"Манчестер Юнайтед"нинг собиқ футболчиси Пол Скоулз собиқ жамоаси 3:4 ҳисобида мағлуб бўлган "Бавария"га қарши ўйин ҳақида фикр билдирди. Муваффақиятсизликка қарамай, у “Манчестер Юнайтед”нинг голларидан бирига муаллифлик қилган даниялик ҳужумчи Расмус Хойлунднинг ўйинидан мамнун бўлди.
"Хойлунднинг голидан жуда хурсандман. Бу унинг учун жуда муҳим. Бу чиройли ва керакли гол эди. Фақат афсуски, шундан кейин “Бавария” яна, жуда тез гол урди. Пенальтига келсак, Эриксеннинг қўли ҳақиқатдан ҳам ғайритабиий ҳолатда эди. Бугун сиз бундай нарсалар учун жазо оласиз", - дея Скоулз сўзларини келтиради BBC Sport.
