"Барселона" президенти Жоан Лапорта жамоа билан шартномасини узайтирган Алехандро Бальде ҳақида фикр билдирди.
"Алехандро барча тўсиқларга қарамай, асосий жамоага ўтиб, клубда қолишга қарор қилгани жуда ёқимли. Бунга имкон бергани учун унинг атрофидаги барчага раҳмат айтмоқчиман. Алехандрога ўргатганингиз учун унинг ота-онаси ва оиласига катта раҳмат. Бальдега ғамхўрлик қилган Ла Масиянинг барча вакилларига ҳам раҳмат айтмоқчиман. Деку шартномани янгилаш устида ишлади ва мақсадимизга эришдик.
Жорже Мендешга раҳмат айтмоқчиман, чунки у ўзи вакиллик қилаётган футболчининг манфаатларини ҳимоя қилишдан ташқари, "Барса"нинг манфаатларини ҳам ҳисобга олади ва иккала манфаатни қандай бирлаштиришни билади, у баъзан қурбонликлар ҳам қилади.
Бугун "Барса" учун тарихий кун, Балдье "Барса"ни 13 йилдан бери билади, у клубни яхши кўради", - деди каталонияликлар президенти.
Эслатиб ўтамиз, Бальде ва "кўк-анорранглилар" ўртасидаги янги шартнома 2028 йилгача тузилган.
