Бельгиянинг “Антверпен” клуби ярим ҳимоячиси Артур Вермеерен фаолиятини “Барселона”да давом эттириши мумкин.

Журналист Габриэль Санс хабарига кўра, Каталония клуби вакиллари Бельгия жамоаси директорлари билан йиғилиш ўтказган. Қайд этилишича, томонлар 18 ёшли ярим ҳимоячининг эҳтимолий трансферини муҳокама қилишган, бироқ шартнома суммаси ҳақида ҳозирча сўз юритилмаган, аммо миш-мишларга ишонадиган бўлсак, "Антверпен" ўз футболчисини 20 миллион еврога қўйиб юборишга тайёр.

Жорий мавсумда Вермеерен барча мусобақаларда ўнта учрашувда иштирок этди ва битта голли узатмани амалга оширди. Футболчининг клуб билан шартномаси 2026 йилгача мўлжалланган.