Сув полоси бўйича Ўзбекистон ёшлар терма жамоаси аъзоси жуда чиройли гол уриб, терма жамоамизнинг Миср устидан муҳим ғалабага эришишига муносиб ҳисса қўшди. Ўйинда 6:5 ҳисоби қайд этилди ва вакилларимиз мусобақада 13-ўринни эгаллашди.

Ўйинни Александр Соколов шогирдлари катта ташаббус билан бошлашди ва дастлабки чоракдан сўнг улар 4:1 ҳисобида олдинга чиқиб олишди. Иккинчи чорак якунида мисрликлар умумий ҳисобни бир тўпгача қисқартиришди - 5:4. Учинчи чоракда эса дарвозаларга гол киритилмади.

Сўнгги 7 дақиқалик якунланишига 61 сония қолганида эронлик Яҳё Муҳаммад ҳисобни тенглаштирди. Ушбу сониялар якунланиб бораётган ва ўйин қўшимча бўлимларга ўтадиган кўринган вазиятда, ўзбекистонлик Аббос Сайлиев бассейннинг олис масофадан — иккинчи ярмидан дарвоза томон зарба йўллашга қарор қилди. Эронлик дарвозабон тўпни қўллари тагидан ўтказиб юборди ва Ўзбекистон ғалаба қозонди.

"Бу зарбани йўллаш осон эмасди ва у гол бўлади деб ўйламагандим. Гол урганим ва ғалаба қозонганимиздан хурсандман", дейди ғалаба тўпи муаллифи Аббос Сайлиев.

Бу ўйинни ҳам терма жамоамиз аъзоси Кирилл Рустамов голсиз тарк этмади. Унинг мусобақадаги голлари сони 33тага етди. Мусобақа тўпурарлар баҳсида ҳамюртимиз ўзидан кейинги ўринни эгаллаб турган Тринидад ва Тобаго аъзоси Рассел Феррейрани 13та голга ортда қолдирмоқда.

Эслатиб ўтамиз, Ўзбекистон ёшлар терма жамоалари ўз тарихида илк марта жаҳон чемпионатида қатнашишди ҳамда аёллар мусобақада 12, эркаклар 13-ўринларни эгаллашди.

Сув полоси бўйича ёшлар ўртасида жаҳон чемпионати.
Эркаклар. 13-ўрин учун баҳс
Ўзбекистон - Миср - 6:5 (4:1, 1:3, 0:0, 1:1)
Голлар: Кирилл Рустамов (2), Алексей Зайцев (2), Егор Чумаченко, Аббос Сайлиев — Яҳё Муҳаммад (2), Такиб Маҳмуд, Базел Абдуллатиф, Маҳмуд Абдулгавид