"Ал-Ҳилол" жамоаси Саудия Про лигаси доирасида "Дамак" клубига қарши 1:1 ҳисобида дуранг ўйнагач, бош мураббий Жорже Жезушни истеъфога чиқариш масаласи яна кун тартибига қайтди.
Ҳозирда клуб раҳбарияти Жезуш ўрнига ёрдамчи мураббий сифатида ишлаб келаётган Муҳаммад аш Шалҳуб номзодини кўриб чиқмоқда. Неймар эса Бразилия терма жамоаси собиқ бош мураббийи Тите вариантини таклиф қилган. Жезуш истеъфога чиқарилган тақдирда, "Ал-Ҳилол" португалиялик мураббийга 8 млн. евро товон пули тўлаб бериши зарур.
Ҳозирда Жезушнинг ишдан кетишини "Ал-Ҳилол" мухлисларидан ҳам кўра Бразилиянинг "Фламенго" клуби мухлислари кўпроқ кутишмоқда. Жезуш "Фламенго" билан 2019-2020 йиллар давомида Бразилия чемпионати ва суперкубогини, "Либертадорес" кубоги ва Жанубий Америка суперкубогини ютиш билан бирга, Клублар ўртасидаги Жаҳон чемпионати финалида "Ливерпуль"га ютқазган.
