“Бунёдкор”нинг ОЧЛ-2013даги илк рақиби Япония чемпиони – “Санфречче Хиросима” клуби.

Чемпионлар лигасининг илк турида “қалдирғочлар” Японияда айнан “Санфречче” меҳмони бўлиб, турнирдаги иштирокини бошлайдилар. Эътиборингизга рақибимиз ҳақида асосий маълумотларни келтириб ўтамиз.

Клуб ташкил топган йили: 1938
Клубнинг тўлиқ номи: “Санфречче Хиросима” футбол клуби
Стадиони: “Хиросима Биг Арч”
Сиғими: 50000 томошабин
Расмий сайти: www.sanfrecce.co.jp

ЮТУҚЛАРИ:
Япония чемпиони – 1965, 1966, 1967,1968,1970, 2012
Япония Императори кубоги соҳиби – 1965, 1967, 1969
NHK Супер кубоги соҳиби – 1967
Япония Супер кубоги соҳиби – 2008

Халқаро иштирок:
Осиё Чемпионлар кубоги:
1969 йил – учинчи ўрин

БОШ МУРАББИЙ – Хажиме Мориясу
Туғилган санаси: 1968 йил, 23 август
Футболчилик фаолияти: “Санфречче Хиросима” 1987-2001, “Кёта Санга” 1998, “Вегалта Сендай” 2002-2003
Япония терма жамоаси сафида 35та учрашувда майдонга тушиб, битта гол уришга муваффақ бўлган.
Мураббийлик фаолияти: “Санфречче Хиросима” 2012 йил январь ойидан бошлаб

ЛЕГИОНЕРЛАРИ:
Хван Сеук Хо (Жанубий Корея, 1989 йил) ҳимоячи
Михаил Микич (Хорватия, 1980 йил), ўнг қанот ҳужумкор ҳимоячи
Ли Даэ Хон (Жанубий Корея, 1993 йил), ярим ҳимоячи

Клуб тарихи мобайнида жамоа сафида бир неча машҳур легионер футболчилар тўп тепишган. Жумладан, Япония терма жамоасидаги иштироки туфайли бизга яхши таниш бўлган Тулио Танака, Ўзбекистон миллий терма жамоасининг собиқ аъзоси Олег Пашинин, австралиялик Аурелио Видмар, бразилиялик жаҳонга машҳур Сезар Сампайо каби футболчилар Хиросима клуби сафида фаолият юритишган.

“Санфречче Хиросима” жамоаси Осиё Чемпионлар лигасида янги мавсумда иккинчи бор иштирок этади. Бунгача японияликлар 2010 йилги мавсумда қатнашишиб, гуруҳ босқичида қолиб кетишганди. Ўшанда “Бунёдкор”нинг яхши таниш рақиблари – “Аделаида Юнайтед” (Австралия) ҳамда “Поханг Стилерс” (Жанубий Корея) клублари “Санфречче Хиросима” ва Хитойнинг “Шандон Лунен” клубларини доғда қолдиришиб, кейинги босқичга йўл олишган.

Клуб посбони Шисаки Нишикава Япония миллий терма жамоаси аъзоси ҳисобланади. У термада асосий посбон Эижи Кавашимадан кейин иккинчи рақамли дарвозабон ҳисобланади.

“Санфречче Хиросима” ҳужумчиси Хисато Сато 22та голи билан ушбу мавсум якунига кўра “J” лига тўпупарлигини қўлга киритди.