Юлиан Нагельсманн Германия терма жамоасининг янги бош мураббийи бўлди. Тайинланганидан кейинги илк матбуот анжуманида ёш мутахассис ўз мақсади ҳақида гапирди.

«Музокаралар жуда яхши ўтди, бунга ишонтиришим шарт эмас эди. Мақсадимиз бор – Европа чемпионатида яхши ўйин кўрсатиш.

Бу ажойиб мотивация ва қийинчиликларни билдиради. Ортимизда бутун халқ турибди. Мухлисларни натижа жиҳатидан ўзига тортадиган жозибали футбол кўрсатишга интиламиз», - деди Нагельсманн журналистларга.

Июнь-июль ойларида Германия терма жамоаси ўз уйида Евро-2024 мусобақасида иштирок этади.