Юлиан Нагельсманннинг Германия бош мураббийи этиб тайинлангани жума куни эълон қилинди.
Мутахассиснинг шартномаси қисқа муддатли - у 2024 йилнинг июль ойи охиригача амал қилади. Нагельсманн бу борада фикр билдирди.
«Мен учун бор эътибор Еврога қаратилгани жуда муҳим. Биз ўз уйимизда яхши турнир ўтказмоқчимиз.
Иккинчи муҳим нуқта - бу ишонч. Менинг мисолимда эътибор беринг - «Бавария» билан узоқ шартномам бор эди, хўш? Ишонч қоғоз билан эмас, меҳнат билан яратилиши керак.
Агар уйдаги турнирда муваффақиятли иштирок этсак, ҳеч нарсани истисно қилмайман. Шартномада ёзилган нарсалар ҳар доим ҳам ҳаётга тўғри келавермайди. Мен буни яқинда бошдан кечирдим», деди Нагельсманн матбуот анжуманида.
