“Ан-Наср” ҳужумчиси Криштиану Роналду ҳали профессионал фаолиятини якунламоқчи эмаслигини айтди. Португалиялик танқидчиларига ҳам жавоб қайтарди.

"Одамлар Криштиану тугади, дейишади, лекин бу тўғри эмас. Оёқларим толиб кетгунча ўйнашда давом этаман. Менда ҳали кўп куч бор. Мен ҳали ҳам футболни, гол уришни ва ғалаба қозонишни яхши кўраман. Улар мени тугади, дейишади, лекин мен ҳали ҳам бунинг аксини кўрсатишда давом этаман”, - дея Роналдудан иқтибос келтиради журналист Фабрицио Романо ижтимоий тармоқларда.

Эслатиб ўтамиз, Роналду ўтган мавсумнинг иккинчи ярмидан буён Саудия Арабистонида “Ан-Наср” сафида тўп тепмоқда. Янги жамоага ўтишидан олдин Криштиану "Манчестер Юнайтед"ни эркин агент сифатида тарк этди.