36 ёшли испаниялик вингер Педро ватанига қайтишга яқин турибди, бу ҳақда Todofichajes портали саҳифаларида хабар берилди.
Манбага кўра, «Тенерифе» ярим ҳимоячи билан шартнома имзоламоқчи. Бу Сегундада ўйновчи клуб ҳисобланади.
Ярим ҳимоячининг ўзи фаолиятини давом эттиришнинг бундай вариантига қарши эмас. Келишув январь ойидаги трансфер ойнасида якунланиши мумкин.
Педро «Лацио»да 2021 йилнинг августидан бери ўйнамоқда. Томонлар ўртасидаги амалдаги шартнома келаси йилнинг ёзида якунига етади. Футболчининг трансфер нархи 1,5 миллион евро.
Италия чемпионатининг жорий мавсумида ярим ҳимоячи учта ўйин ўтказиб, гол ура олмади.
