Италия чемпионатининг 5-турида "Ювентус" меҳмонда "Сассуоло"га имкониятни бой берди (2:4).

12-дақиқада Арман Лорьянте ҳисобни очди, 21-дақиқада Матиас Винья ўз дарвозасига тўп киритиб қўйди. 41-дақиқада Доменико Берарди яна мезбонларни ҳисобда олдинга олиб чиқди.

Иккинчи бўлимда Федерико Кьеза яна ҳисобни тенглаштирди (78-дақиқа). 82-дақиқада Андреа Пинамонти "Сассуоло"нинг 3-голига муаллифлик қилган бўлса, 90+5-дақиқада "Ювентус" ҳимоячиси Федерико Гатти автоголга сабабчи бўлди.

"Ювентус" бу мавсумдаги илк мағлубиятини қабул қилиб олди. Туринликлар 26 сентябрь куни "Лечче" билан баҳс олиб боради.

Ҳозирда "бьянконерилар" 10 очко билан турнир жадвалида 4-ўринда, "Сассуоло" ҳисобида 6 очко бор - 11-поғона.

Сассуоло – Ювентус 4:2 (2:1, 2:1)
23 сентябрь, 21.00, «Читта-дель-Триколоре»
Голлар: 1:0 – 12 Лорьянте, 1:1 – 21, автогол Винья, 2:1 – 41 Берарди, 2:2 – 78 Кьеза, 3:2 – 82 Пинамонти, 4:2 – 90, автогол Гатти.
Сассуоло – Краньо, Толян, Эрлич, Руан (Вити, 46), Винья (Феррари, 90), Байрами (Дефрель, 85), Болока, Матеус Энрике, Берарди, Лорьянте (Педерсен, 85), Пинамонти (Кастильехо, 85).
Ювентус – Шченсны, Данило, Бремер, Гатти, Маккенни (Веа, 60), Костич (Айлинг, 46), Рабьо, Локателли (Милик, 83), Миретти (Фаджоли, 46), Кьеза, Влахович (Кин, 76).
Огоҳлантиришлар: Рабьо (36), Болока (51), Данило (55), Берарди (58), Винья (64), Пинамонти (83).