"ПСЖ" ҳужумчиси Уго Экитике "Милан"га ўтиши мумкин.
Лига1 гранди ўтган ёзда франциялик футболчини сотиш ниятида эди, бироқ даъвогарларнинг ҳеч бири парижликларнинг талабларини қондира олмади. Экитике билан шартнома имзоламоқчи бўлганлар орасида "Милан" ҳам бор эди, Fichajes хабарига кўра, қишки трансфер ойнаси очилгандан кейин "россонерилар" 21 ёшли футболчи учун курашга қайтади. "ПСЖ" ҳужумчисига Англия Премьер-лигасининг кўплаб вакиллари ҳам қизиқиш билдирмоқда.
Transfermarkt портали Уго Экитикенинг қийматини 20 миллион еврога баҳолаган. Футболчининг амалдаги шартномаси 2027 йилгача мўлжалланган.
