Англия чемпионатининг олтинчи турида “Эвертон” Лондонда “Брентфорд”ни мағлуб этиб, мавсумдаги илк ғалабасини қўлга киритди. Шу тариқа, мерсисайдликлар Англия пойтахтидаги ғалабасиз узоқ давом этган серияни тўхтатди – сўнгги марта “ирислар” бу ишни 2021 йилда “Вест Хэм”ни мағлуб этганида амалга оширган. Ўшандан бери "Эвертон" Лондонда ҳар йили бешта ўйин ўтказганига қарамай, ғалаба қозона олмади.
Ҳозир Шон Дайч шогирдлари АПЛ турнир жадвалида ўн бешинчи ўринда бормоқда ва кейинги турда ўз уйида – “Лутон Таун”га қарши баҳс олиб боради. Бу ўйин сентябрь ойининг охирги куни, ўттизинчида бўлиб ўтади.
