"Барселона" спорт директори Деку Жоау Феликс ва Жоау Канселуни сотиб олиши мумкинлиги ҳақидаги янгиланган маълумотлар билан ўртоқлашди.
Португалиялик футболчилар Каталония клубига мос равишда "Атлетико Мадрид" ва "Манчестер Сити"дан ижарага олинган. Иккала келишувда ҳам сотиб олиш варианти мавжуд эмас, аммо Деку айтганидек, агар бу мавсумда яхши ўйнаса, "Барселона" иккала футболчини тўлиқ трансфер қилиш имкониятини кўриб чиқади.
“Бизнинг вариантимиз уларни ижарага олиш эди. Клубда ички муаммолар ҳамон мавжуд. Олдинда узоқ йўл бор", - дея Декунинг молиявий қийинчиликлар "Барселона"га қиммат футболчиларни сотиб олишга халақит бераётгани ҳақидаги сўзларини келтиради Marca.
