Лондоннинг "Арсенал" клуби бош мураббийи Микель Артета жамоага янги келган Деклан Райс ҳақида гапирди.
"Райс - ғайриоддий. У қанчалик тез мослашганига ҳайронман. У сўнгги бир неча мавсумда қилган ишини қилишда давом этмоқда ва у буни ғайриоддий қилади", - деди Артета.
Райс ўтган ёзда "Вест Хэм"дан "Арсенал"га ўтган эди. "Канонирлар" таркибида у барча турнирларни ҳисобга олган ҳолда еттита учрашувда майдонга тушди ва битта гол урди.
Бугун, 24 сентябрь куни “Арсенал” Англия Премьер-лигасининг 6-тури доирасида "Тоттенхэм" билан учрашади.
