Европанинг топ-клублари ҳар доим трансферларни олдидан режалаштиришади. "Реал Мадрид" жамоаси келаси мавсумда қандай кўринишда бўлишини ҳозирданоқ режалаштириб олди.
TodoFichaes нашрининг маълум қилишича, "Қироллик клуби" режаларидан бири ўнг қанот ҳимоячиси билан шартнома имзолашдир. Мураббийлар Дани Карвахални қанотда сақлаб қолмоқчи, аммо Лукас Васкесдан воз кечишга қарор қилишди. Бу футболчининг амалдаги шартномаси 2023/2024 йилги мавсум охиригача амал қилади.
Қайд этилишича, 32 ёшли Васкес аллақачон агентидан ўзи учун янги клуб излашни сўраган. Вариантлар сифатида “Севилья”, “Рома” ва “Наполи” тилга олинмоқда.
