Килиан Мбаппе "ПСЖ"нинг "Марсель" билан ўйинининг биринчи бўлимида алмаштирилди.
Парижлик ҳужумчи Лига 1 6-турининг 32-дақиқасида чап тўпиғидаги муаммо туфайли майдонни тарк этди.
"ПСЖ"нинг барча вақтлардаги энг яхши тўпурари ўйин бошида "Марсель" ҳимоячиси Леонардо Балерди билан тўқнашиб кетганидан кейин жароҳат олди. Тиббий ёрдам кўрсатилгач, француз ўйинни давом эттиришга муваффақ бўлди, аммо якунда у яна алмаштиришни сўради, шундан сўнг у дарҳол кийиниш хонасига йўл олди.
Жорий мавсумда Мбаппе Франция чемпионатида 5 ўйинда 7 та гол урди.
