"Челси" ярим ҳимоячиси Конор Галлахер АПЛ 6-турида "Астон Вилла"га қарши ўйиндаги мағлубият (0:1) ҳақида гапирди.
“Мағлубиятга учраганимиз жуда ачинарли. Биз бу ўйинга ғалаба қозониш учун келгандик. Очиғи, қизил карточка баҳона бўлолмайди. Биз ҳафсаламиз пир бўлди ва кейинги ўйин учун вазиятни тўғирлаш ниятидамиз", - дея Галлахернинг сўзларини келтиради "Челси" расмий сайти.
Англиялик футболчи, шунингдек, "Челси" футболчилари ижобий кайфиятни сақлаб қолишлари ва жамоа тушиб қолган вазиятдан чиқиш учун машғулотларда астойдил ҳаракат қилишлари кераклигини таъкидлади.
