Ла Лиганинг 6-тури доирасидаги “Атлетико”га (1:3) қарши ўйинни ошқозон-ичак касаллиги туфайли ўтказиб юборган “Реал” ҳужумчиси Винисиус Жуниор кеча, 25 сентябрь куни умумий гуруҳ машғулотларига қайтди, деб хабар беради Marca.
Бразилиялик футболчи кейинги турда “Лас-Пальмас”га қарши майдонга тушиши кутилмоқда. Учрашув 27 сентябрь, чоршанба куни бўлиб ўтади.
Жорий мавсумда форвард учта ўйинда қатнашиб, битта гол урди.
Шунингдек, менискус жароҳатидан тикланишда давом этаётган туркиялик 18 ёшли ярим ҳимоячи Арда Гюлер умумий гуруҳда машғулот ўтказгани таъкидланган.
