La Liganing 6-turi doirasidagi “Atletiko”ga (1:3) qarshi o‘yinni oshqozon-ichak kasalligi tufayli o‘tkazib yuborgan “Real” hujumchisi Vinisius Junior kecha, 25 sentyabr kuni umumiy guruh mashg‘ulotlariga qaytdi, deb xabar beradi Marca.
Braziliyalik futbolchi keyingi turda “Las-Palmas”ga qarshi maydonga tushishi kutilmoqda. Uchrashuv 27 sentyabr, chorshanba kuni bo‘lib o‘tadi.
Joriy mavsumda forvard uchta o‘yinda qatnashib, bitta gol urdi.
Shuningdek, meniskus jarohatidan tiklanishda davom etayotgan turkiyalik 18 yoshli yarim himoyachi Arda Gyuler umumiy guruhda mashg‘ulot o‘tkazgani ta’kidlangan.
