Италия футбол федерацияси, Италия ҳакамлар ассоциацияси ва DAZN маҳаллий футболни ривожлантириш лойиҳаси бўйича келишиб олди. Хусусан, у ҳакамлик мавзусига тўхталиб ўтади. 24 сентябрь куни биринчи қисми бўлиб ўтган Open VAR дастури унга бағишланади.

Унда А ва Б серия ҳакамлари менежери, таниқли ҳакам Жанлука Рокки 16-18 сентябрь кунлари бўлиб ўтган Италия чемпионатининг 4-тур учрашувлари эпизодларини таҳлил қилди. Телетомошабинларга ҳакамлар ва уларнинг видеоёрдамчиларининг иши батафсил кўрсатилди, уларнинг музокараларини тинглаш имконияти берилди ва Рокки буларнинг барчасини шарҳлаб, юқори баҳолади.

Италиялик ҳакамлар раҳбарлари бу воқеани "тарихий лаҳза" деб аташмоқда ва ҳакамлик билан боғлиқ муаммолар мухлисларга ойдинроқ бўлиб, ўйин давомида қарор қабул қилиш жараёни шаффофроқ бўлишига умид қилмоқда.

Open VAR дастури Италияда мунтазам равишда эфирга узатилади.