"Интер Майами" ярим ҳимоячиси Серхио Бускетс Лионель Месси ҳақидаги саволга жавоб берди.
Аргентиналик форвард мушакларидаги муаммолар туфайли АҚШ Очиқ кубоги финалида “Хьюстон Динамо”га қарши ўйинни ўтказиб юбориши мумкин. Учрашув пайшанба куни Тошкент вақти билан 05:30 да бўлиб ўтади.
"Албатта, биз дунёнинг энг яхши футболчиси бундай ўйинни ўтказиб юборишини истамаган бўлардик. Энг яхшисига умид қилиб эртага кутамиз. Месси жангда иштирок этишдан ва жамоага кубокни ютишда ёрдам беришдан хурсанд бўлади, лекин у майдонга тушишга тайёрми ёки йўқлигини тушуниши керак", - деди Бускетс.
