"Унион Берлин" марказий ҳимоячиси Леонардо Бонуччи Италия терма жамоасига қайтишга умид қилмоқда.
36 ёшли футболчи жорий мавсум бошланишидан олдин кутилмаганда "Ювентус" таркибидан четлатилди. 1 сентябр куни тажрибали футболчи Германия клуби билан шартнома тузди. Мавсум бошида доимий ўйин амалиётига эга бўлмагани учун марказий ҳимоячи Италия терма жамоасининг янги бош мураббийи Лучано Спалетти қўл остидаги илк йиғинини ўтказиб юборди.
“Икки ҳафта олдин Спалетти билан гаплашдим. Агар терма жамоага қайтишни истасам, мунтазам равишда майдонга тушишим кераклигини айтди. Биламан, бу осон эмас, лекин асосий мақсадим Евро-2024 га бориш”, - деди “Ювентус”нинг собиқ сардори Kicker нашрига.
