«Манчестер Юнайтед»нинг собиқ ҳимоячиси Дэйли Блинд бир пайтлар Луи ван Галнинг «манкунианликлар» бош мураббийлигидан четлатилгани ҳақида гапирди.
«Биз Англия кубогини жуда қийин мавсумдан сўнг қўлга киритдик. Мен болалигимда бу ҳақда орзу қилардим. Луи ван Галнинг ишдан бўшатилиши ҳақидаги хабарни эшитмагунимча ҳаммаси яхши эди, Лондонда кубокни хурсандчилик билан нишонладик.
Миш-мишлар жуда тез тарқалди ва эртаси куни эрталаб мураббий бу ҳақда футболчиларни шахсан хабардор қилди. Бу мен учун жуда ҳаяжонли лаҳза бўлди», — дея Блинднинг сўзларини келтирмоқда The Athletic.
