«Ливерпуль» бош мураббийи Юрген Клопп ўтган ёзда Германиянинг «РБ Лейпциг» клубидан 70 миллион евро эвазига «Энфильд»га кўчиб ўтган ярим ҳимоячи Доминик Собослаини мақтади.
«Собослаи биринчи дақиқаларданоқ мени ҳайратда қолдирди. У топ ўйинчи ва ўзига ишонган йигит.
Доминик машғулотларда жуда қаттиқ ишлайди. У ҳар доим кучли прессинг қилади ва тўпни қайтариб олишга ҳаракат қилади», деди Клопп матбуот анжуманида.
Собослаи Англия Премьер-лигасида олтита ўйинда битта голга эга. Кеча вингер Лига кубоги доирасидаги «Лестер»га қарши ўйинда ҳам узоқ масофадан гол урди.
