«Челси» ҳимоячиси Марк Кукурелья қишки трансфер ойнасида жамоани тарк этиши мумкин, деб хабар беради ESPN.

Манбанинг хабарига кўра, лондонликлар жорий мавсум АПЛда бир дақиқа ҳам майдонга тушмаган испаниялик футболчининг трансфери бўйича таклифни тинглашга тайёр.

Август ойида «Манчестер Юнайтед» 25 ёшли ҳимоячини ижарага олиш бўйича келишиб олгани, аммо «кўклар» билан келишувга эриша олмагани хабар қилинганди. Марк «Брайтон»дан 62 миллион еврога сотиб олинганди. Бироқ у жорий мавсум бирорта ҳам баҳсда майдонга тушмади. 

Ўтган мавсумда Кукурелья «Челси» сафида 33 та ўйинда майдонга тушиб, 2 та голли узатмани амалга оширган. Transfermarkt портали футболчининг нархини 40 миллион еврога баҳоламоқда.