"Барселона" молиявий йил натижаларини эълон қилди.
Каталония клуби матбуот хизмати хабарига кўра, "кўк-анорранглилар"нинг солиқлар тўланганидан кейинги соф фойдаси 304 миллион еврони ташкил қилган. Натижа ўтган мавсум бюджетида тасдиқланганидан юқори бўлди. 2022/23 йилги мавсумда "Барселона" 1,165 миллиард евро операцион харажатлар билан 1,259 миллиард евро консолидацияланган операцион фойда олди.
"Барселона" тижорат ва объектларни бошқариш соҳасида рекорд натижаларга эришгани айтилади. Клуб ўз фаолиятининг барча соҳаларида яхшиланишларни амалга оширди ва уларнинг ҳар бирида кутилганидан юқори натижаларни қайд этди.
Тижорат даражасида клуб 351 миллион евро даромад билан рекорд кўрсаткичларга эришди (ўтган йилга нисбатан +43%). Ҳомийликдан тушган даромад деярли 200 миллион еврога етди, "Барса" дўконларидаги сотувлар эса 100 миллион еврони ташкил этди, бу ҳам мутлақ рекорддир.
