Суперлиганинг 20-туридан ўрин олган “Пахтакор” – ОКМК (2:2) учрашувидан сўнг меҳмонлар бош мураббийи Миржалол Қосимов ўз фикрларин билдириб ўтди.

“Қизиқарли, очиқ учрашув гувоҳи бўлдик. Иккала жамоа ҳам ғалаба учун майдонга чиққан эди. Танаффусга 2:1 ҳисобида чиқдик. Ундан кейин ҳам Санчесда яхши вазиятлар бўлди. Ҳақли равишда дуранг ўйнадик, деб ҳисоблайман.

Ўтган тур “Металлург” дарвозамизга йўллаган 5 зарбасидан тўрттаси гол бўлди. Биз эса 20 га яқин зарба бердик. Футболда бунақаси ҳам учраб туради.

Уч кундан сўнг яна майдонга тушамиз. ОФК Чемпионлар лигасидаги сафардан сўнг “Металлург” билан охиригача курашдик. Мен кўп ротация қиламан. Бугун келгуси учрашувни ҳам ўйлаб ҳаракат қилдик”, – деди Қосимов.