"Бенфика" вингери Давид Нерес январь ойида Англия ёки Италияга кўчиб ўтиши мумкин.
Журналист Экрем Қўнғирнинг маълумотига кўра, Европанинг турли клублари скаутлари бразилиялик футболчининг ўйинини диққат билан кузатиб боришмоқда, Англия Премьер-лигаси ва А Серияси вакиллари 26 ёшли футболчига асосий даъвогарлар сифатида кўрилмоқда. Қизиқиш билдираётган клубларнинг номи ҳозирча ошкор этилмаган. Потенциал қишки трансфер нархи 35 миллион еврога баҳоланмоқда.
Жорий мавсумда Давид Нерес "Бенфика" сафида барча мусобақаларда 7та ўйинда майдонга тушиб, битта гол ва 3та голли узатмага муаллифлик қилган. Transfermarkt портали футболчининг нархини 25 миллион еврога баҳоламоқда.
