Дортмунднинг "Боруссия" клуби қанот ҳужумчиси Дониэлл Маленга юқори нарх белгилади.
24 ёшли футболчи сўнгги ойлардаги ўйинлари туфайли топ-клублар эътиборини тортди. "Ливерпуль" 2024 йилда трансфер имкониятини ҳисобга олган ҳолда нидерландиялик футболчига асосий даъвогарлардан бири саналади. Sportbild хабарига кўра, "қизиллар" яқин келажакда футболчини сотиб олиш учун камида 60 миллион евро сарфлашлари керак.
Дониэлл Мален жорий мавсумда Дортмунднинг “Боруссия” клуби сафида 7 та ўйинда майдонга тушиб, 4 та гол ва 2 та голли узатмага муаллифлик қилган. Transfermarkt портали экспертлари “асаларилар” ҳужуми етакчисининг қийматини 28 миллион еврога баҳоламоқда.
