"Рома" бошқарувчиси Жозе Моуриньо жамоанинг сўнгги омадсизлиги ҳақида ўз фикрлари билан ўртоқлашди.
Римликлар “Женоа”га йирик 1:4 ҳисобида имкониятни бой беришди. А Сериянинг 6 туридан сўнг Моуриньо шогирдларида атиги битта ғалаба ва беш очко бор.
“Мен айтадиган гапим йўқ. Ўйиндан кейин футболчилар билан ҳам гаплашмадим. Биз Ибаньес ва Смоллингни соғиндик, лекин улар йўқлиги учун жуда кўп гол ўтказиб юборяпмиз, дея олмаймиз. Муаммо кайфиятда. Қолаверса, рақибларнинг ҳар бир зарбаси голга айланди - бугун шундай бўлди, лекин гап фақат дарвозабонда эмас", - дея португалиялик мутахассиснинг сўзларини келтиради TMW.
Якшанба куни “Рома” ўз майдонида “Фрозиноне”га қарши баҳс олиб боради.
