Лондоннинг "Арсенал" клуби хўжайинлари январь ойидаги трансфер ойнасида жамоанинг ҳужум чизиғини кучайтирмоқчи. Бу ҳақда инсайдер Экрем Конур хабар берди.
Журналистнинг ижтимоий тармоқлар орқали хабар беришича, "канонирлар"нинг қисқа рўйхатида уч нафар ҳужумчининг номи жой олган. АПЛ вице-чемпиони Лаутаро Мартинес («Интер»), Душан Влахович («Ювентус») ва Айван Тони («Брентфорд») ўртасида танлов қилади.
Англия чемпионатининг олти тури якунларига кўра, “Арсенал” 14 очко жамғариб, турнир жадвалида бешинчи ўринни эгаллаб турибди. Микель Артета шогирдлари навбатдаги ўйинни сафарда "Борнмут"га қарши ўтказади.
