Londonning "Arsenal" klubi xo‘jayinlari yanvar oyidagi transfer oynasida jamoaning hujum chizig‘ini kuchaytirmoqchi. Bu haqda insayder Ekrem Konur xabar berdi.
Jurnalistning ijtimoiy tarmoqlar orqali xabar berishicha, "kanonirlar"ning qisqa ro‘yxatida uch nafar hujumchining nomi joy olgan. APL vise-chempioni Lautaro Martines («Inter»), Dushan Vlaxovich («Yuventus») va Ayvan Toni («Brentford») o‘rtasida tanlov qiladi.
Angliya chempionatining olti turi yakunlariga ko‘ra, “Arsenal” 14 ochko jamg‘arib, turnir jadvalida beshinchi o‘rinni egallab turibdi. Mikel Arteta shogirdlari navbatdagi o‘yinni safarda "Bornmut"ga qarshi o‘tkazadi.
