"Атлетико Мадрид"нинг ўнг қанот ҳимоячиси Сесар Аспиликуэта етакчи чемпионатлардаги 500-учрашувини ўтказди.

34 ёшли футболчи Ла Лиганинг “Осасуна”га қарши ўйиннинг 60-дақиқасида захирадан майдонга тушиб, Науэль Молина ўрнини эгаллади. Opta маълумотларига кўра, бу ўйин Аспиликуэта учун Европанинг энг кучли бешта лигасидаги 500-ўйин бўлди. Ўйинларнинг асосий қисми испаниялик Лондоннинг "Челси" жамоасида (349) ўйнаган пайтга тўғри келди, у "Осасуна" учун 99 та , "Марсель" учун 47 та ўйинда иштирок этган.

Футболчи кеча бешинчи марта "матрасчилар" таркибида майдонга тушди.