"Манчестер Юнайтед" жамоанинг аргентиналик ҳимоячиси Лисандро Мартинесни жароҳат олгани ҳақида хабар берди. “Қизил иблислар”нинг баёнотида жаҳон чемпиони узоқ муддатга сафдан чиққани айтилмоқда.
BBC нашрининг ёзишича, Мартинеснинг тикланиши учун икки-уч ой вақт керак бўлади.
Лисандро Мартинес 2022 йилнинг ёзида "Манчестер Юнайтед"га ўтган эди. Ўшандан бери аргентиналик футболчи жамоаси сафида 51 та расмий ўйин ўтказиб, битта гол ва битта голли узатмага муаллифлик қилган.
"Манчестер Юнайтед" навбатдаги ўйинни 30 сентябрь куни ўз майдонида "Кристал Пэлас"га қарши ўтказади.
