"Manchester Yunayted" jamoaning argentinalik himoyachisi Lisandro Martinesni jarohat olgani haqida xabar berdi. “Qizil iblislar”ning bayonotida jahon chempioni uzoq muddatga safdan chiqqani aytilmoqda.
BBC nashrining yozishicha, Martinesning tiklanishi uchun ikki-uch oy vaqt kerak bo‘ladi.
Lisandro Martines 2022 yilning yozida "Manchester Yunayted"ga o‘tgan edi. O‘shandan beri argentinalik futbolchi jamoasi safida 51 ta rasmiy o‘yin o‘tkazib, bitta gol va bitta golli uzatmaga mualliflik qilgan.
"Manchester Yunayted" navbatdagi o‘yinni 30 sentyabr kuni o‘z maydonida "Kristal Pelas"ga qarshi o‘tkazadi.
