"ПСЖ" бош мураббийи Луис Энрике қишки трансфер ойнасида ҳимояни кучайтиришга умид қилмоқда.
Яқинда чап қанот ҳимоячиси Нуну Мендеш жарроҳлик амалиёти олиши сабаб унинг сафга қайтиши келаси йилнинг февралига режалаштирилгани маълум бўлди. L'Equipe хабарига кўра, Энрикенинг фикрича, ҳозирги кадрлар ҳолатини ҳисобга олсак, жамоада ҳимоя позицияларида рақобат етишмаслиги мумкин, шунинг учун парижликлар январь ойида янги ҳимоячи ўйинчисини сотиб олишга ҳаракат қилишлари мумкин.
Шанба куни “ПСЖ” сафарда Лига1-да “Клермон”га қарши ўйин ўтказади. Ҳозирда Энрике шогирдлари 6 турдан кейин 11 очко билан учинчи ўринда бормоқда.
