"Тоттенхэм" бош мураббийи Анге Постекоглу Сон Хён Мин нима учун ўтган мавсумни энг яхши ўтказмаганини тушунтирди.
"Шпорлар" ҳужумчиси сўнгги АПЛда 36 учрашувда ўнта гол урди. Жорий мавсумда жанубий кореялик футболчи олтита ўйинда бешта гол урган.
“Ўтган мавсумда Сон 100 фоиз тайёр эмаслигини айтиш тўғри бўлади. Унинг ўзи ҳам худди шундай фикрда. Лекин унинг табиати шундай: агар ундан ўйнашни сўрашса, у қандай ҳолатда бўлишидан қатъи назар, майдонга чиқиб, борини қилади. Ўтган мавсум ҳам жаҳон чемпионати туфайли ўзига хос бўлди - бу кўплаб топ-футболчиларнинг ўйинига салбий таъсир кўрсатди", - дея Постекоглу сўзларини келтирган инглиз ОАВ.
