"Сассуоло" ярим ҳимоячиси Доменико Берарди Туриннинг "Ювентус" клубининг радарида қолмоқда. La Gazette Dello Sport хабарига кўра, италиялик футболчига ҳали ҳам "кекса синьора" қизиқиш билдирмоқда.
Январь ойидаги трансфер ойнасида Массимилиано Аллегри жамоаси Берардини қўлга киритиш учун яна бир уриниб кўриши мумкин. Ёзда "Сассуоло" ўз сардорини қўйиб юборишдан бош тортди ва унинг учун 35 миллион евро талаб қилди.
Эслатиб ўтамиз, Берарди яқинда Италия А серияси доирасидаги ўйинда "Ювентус" дарвозасини ишғол қилганди. 29 ёшли ярим ҳимоячи чемпионатнинг тўртта учрашувида 4 та гол ва битта голли узатмани амалга оширган.
