17-21 декабрь кунлари Тошкентдаги «Ўзбекистон» спорт мажмуасида футзал бўйича 17-Ўзбекистон чемпионати 3-тур учрашувлари бўлиб ўтади.
3-турнинг биринчи кунидаёқ томошабинлар жорий мусобақанинг етакчилари ўртасидаги қизиқарли баҳс гувоҳига айланишлари мумкин. Айни вақтда чемпионат карвонбошиси бўлиб турган пойтахтнинг «Локомотив» жамоаси Чирчиқнинг «Максам-Чирчиқ» клубига қарши майдонга чиқади. Қайд этиш жоиз, ўтказилган дастлабки тўққиз ўйин натижасига кўра чемпионатда учинчи ўринни эгаллаб турган чирчиқликларни пешқадамлар – «Локомотив» ва «Ардус» билан атиги уч очко ажратиб турибди.
3-тур баҳслари Бухоронинг «Когон» ва Самарқанднинг «Нафис» жамоалари ўртасидаги ўйин билан бошланади. Ушбу жамоалар мусобақа жадвалида мос равишда 8- ва 9-ўринларни эгаллаб турган бўлиб, улар орасидаги очколар фарқи тўрттага тенг. Шунинг учун ҳам, агар ғалаба қозона олса, «Когон» ўзининг энг яқин таъқибчисидан сезиларли фарқ билан ўзиб кетиши мумкин. Ўз навбатида, 4-турда ушбу жамоалар ўзаро тўқнаш келмаслигини ҳисобга олиб, «Когон» 7 очко олдинга ўтказиб юбориш «Нафис»га ҳам кўп маъқул келмайди.
Маълумот ўрнида, 3-тур учрашувларининг бошланиш вақтлари ҳақида кейинроқ батафсил маълумот берилади.
Футзал бўйича Ўзбекистон чемпионати-2012
1-босқич, 3-тур учрашувлари
17 декабрь, душанба
Когон – Нафис
Гулистон – Бунёдкор
Локомотив – Максам-Чирчиқ
Пахтакор – Строитель-З
Ардус – Турон-С
18 декабрь, сешанба
Турон-С – Пахтакор
Строитель-З – Локомотив
Максам-Чирчиқ – Гулистон
Бунёдкор – Когон
Нафис – Ардус
19 декабрь, чоршанба
Нафис – Бунёдкор
Когон – Максам-Чирчиқ
Гулистон – Строитель-З
Локомотив – Турон-С
Ардус – Пахтакор
20 декабрь, пайшанба
Пахтакор – Локомотив
Турон-С – Гулистон
Строитель-З – Когон
Максам-Чирчиқ – Нафис
Бунёдкор – Ардус
21 декабрь, жума
Бунёдкор – Максам-Чирчиқ
Нафис – Строитель-З
Когон – Турон-С
Гулистон – Пахтакор
Ардус – Локомотив
