"Ювентус" ярим ҳимоячиси Адриен Рабио клуб билан янги шартномани муҳокама қилади.
28 ёшли футболчи яқинда - жорий йилнинг июнь ойи охирида янгиланган шартнома имзолади, бироқ шартнома фақат жорий мавсум охиригача амал қилади. Хабар берганимиздек, “кекса синьора” Рабьо билан узоқ муддатли ҳамкорликдан манфаатдор, франциялик футболчининг ўзи ҳам музокараларга тайёр. Журналист Николо Скиранинг хабар беришича, яқин ҳафталарда "Ювентус" ярим ҳимоячи билан шартномани узайтириш борасида музокараларни бошлайди. Массимилиано Аллегри футболчини дахлсиз деб ҳисоблайди.
Жорий мавсумда Адриен Рабио олтита ўйинда битта гол урди ва иккита голли узатмани амалга оширди.
