"Милан" бош мураббийи Стефано Пиоли "Ювентус"ни чемпионлик учун фаворит деб атади.
Мутахассиснинг фикрича, еврокубокларда ўйнамаслик "кекса синьора"га жорий мавсумда қўшимча устунлик беради.
"Чемпионлик учун тўртта жамоа курашмоқда, аммо "Ювентус" Скудетто учун фаворит. Еврокубокларда ўйнамаслик қўшимча устунлик беради”, деди Пиоли матбуот анжуманида.
Жорий Италия чемпионатининг олти туридан сўнг, "Милан" учинчи "Ювентус"дан икки очко олдинда, турнир жадвалида иккинчи ўринни эгаллаб турибди. Эслатиб ўтамиз, А Сериянинг амалдаги ғолиби “Наполи” ҳисобланади.
