«Челси» бош мураббийи Маурисио Почеттино Михаил Мудрик «Стэмфорд Бриж»да ўйнаш учун катта куч сарфлаётганини айтди.
Эслатиб ўтамиз, жорий мавсумда украиналик футболчи Англия премьер-лигасида бирорта ҳам самарали ҳаракат қилгани йўқ.
«Мудрик очиқроқ бўлишга ҳаракат қилмоқда. У ўйинда кўпроқ иштирок этишни хоҳлайди. Уни ноёб футболчи сифатида таснифлаган бўлардим.
Михаил ўзини интеграциялаш ва жамоа ўйинини яхшироқ тушуниш учун жуда кўп ҳаракат қилмоқда», деди Почеттино матбуот анжуманида.
Мудрик январь ойида «Шахтёр»дан 70 миллион евро эвазига «Челси»га ўтган эди.
