Леверкузеннинг «Байер» клубига тегишли бўлган немис иқтидорли ярим ҳимоячиси Флориан Вирц Европанинг навбатдаги гиганти қизиқиш доирасига тушиб қолди.
Бу ҳақда Todofichajes журналистлари хабар бермоқда.
Манбанинг хабарига кўра, футболчини ўз сафига Франциянинг «ПСЖ» клуби қўшиб олиши мумкин. Парижликлар Вирцнинг агенти билан музокарага киришди. Потенциал трансфер қиймати 100 миллион еврога баҳоланмоқда.
Флориан «фармацевтлар» билан 2027 йилнинг ёзига қадар шартнома имзолаган. Вирц Бундеслиганинг жорий мавсумида «Байер» учун бешта ўйинда майдонга тушиб, битта гол урди ва иккита голли узатмани амалга оширди.
