Лондоннинг “Арсенал” клуби собиқ футболчиси, ҳозирда футбол эксперти Пол Мерсон “Манчестер Юнайтед” футболчиларининг жорий мавсумдаги ўйин сифати ҳақида ўз фикрлари билан ўртоқлашди. Охирги учрашувда Эрик тен Хаг шогирдлари “Кристал Пэлас”га 0:1 ҳисобида имкониятни бой беришди.
"Манчестер Юнайтед" ўйинларида уларнинг ўйин услуби мутлақо кўринмайди. Агар бирор нарса чиқса, яхши. Рақобатчилар манкунианликлардан фарқ қиладиган ўйин услубига эга. "Манчестер Юнайтед"да ҳаммаси жуда секин ва ягона умид - Рэшфорд олдинда ҳаммасини ҳал қила олиши. Маунт ва Бруну саросимага тушмоқда, улар қандай ҳаракат қилишни тушунмаяптилар”, - дея Мерсондан иқтибос келтиради Sky Sports.
Етти тур натижаларига кўра, "Манчестер Юнайтед" АПЛ турнир жадвалида атиги ўнинчи ўринни эгаллаб турибди.
