«Тоттенхэм» устози ҳакамлик можаросидан кейин ВАРни ёқтирмаслигини айтди.
«Тизим пайдо бўлганидан бери мен ҳеч қачон ВАРнинг ҳақиқий мухлиси бўлмаганман. Фақат битта сабаб бор: ўйлайманки, ВАР ўйиннинг ҳамма соҳаларини мураккаблаштиради.
Шу билан бирга, мен нима учун бундай технологияларнинг пайдо бўлиши муқаррар эканлигини тушуна оламан. Биз бунга чидашимиз керак.
Менимча, одамлар ВАР хато қилмайди, деб адашади. Менимча, ҳеч қандай технология ёрдам бермайди, чунки бизнинг ўйинимиздаги кўп нарсалар фактларга асосланмаган. Ҳаммаси талқинга боғлиқ. Ҳакамлар ҳамон одамлардир», - деди Постекоглу.