Европа гигантлари келажакдаги трансфер ойналари учун аллақачон режалар тузмоқда.
Calciomercatoweb портали хабарига кўра, Лондоннинг "Арсенал" клуби "Ювентус" ярим ҳимоячиси Адриен Рабьога қизиқиш билдирмоқда. “Канонирлар” Франция терма жамоаси футболчисини келаётган қишда сотиб олишни режалаштирмоқда. Рабьонинг Туриндаги амалдаги шартномаси 2024 йилнинг июнь ойи охиригача мўлжалланган ва "кекса синьора" мавсум охирида уни текинга қўлдан бой бермаслик учун 28 ёшли футболчини қишда сотишни афзал кўради.
Transfermarkt портали Адриен Рабьони 40 миллион еврога баҳоламоқда, бироқ шартнома муддати тугашини ҳисобга олсак, франциялик футболчини январь ойида анча арзонроқ нархда сотиб олиш мумкин бўлади.
