"Барселона" яқин орада Ламин Ямал билан шартнома имзолаганини эълон қилади.
Олдинроқ Фабрицио Романо Ямалнинг "Барселона" билан биринчи профессионал шартномаси 3 йилга - ФИФА қоидаларига кўра 16 ёшли футболчи учун максимал келишув муддати бўлишини маълум қилганди.
Инсайдернинг аниқлик киритишича, июль ойида келишувга эришилганига қарамай, душанба куни "Барселона" Ямал билан шартнома имзолаганини эълон қилади. 16 ёшли ярим ҳимоячининг шартномаси бўйича товон пули 1 миллиард еврони ташкил қилади.
Ямал 15 ёшу 290 кунлигида "Барселона" учун биринчи ўйинини ўтказди ва бу клубнинг Ла Лига тарихидаги энг ёш дебютантига айланди.
