"Байер" директори Симон Рольфес Хаби Алонсонининг келажаги ҳақидаги саволга жавоб берди.
Испаниялик мутахассис жорий мавсум якунида Карло Анчелотти ўз лавозимини тарк этадиган бўлса, "Реал" мураббийлигига асосий номзод сифатида қаралмоқда. Алонсонинг "аптекачилар" билан шартномаси 2026 йилнинг ўрталарига қадар амал қилади.
"Биз ундан бир неча ҳафта олдин шартномани узайтирганда ваъда олгандик. Хаби келажак ҳақида ҳеч қандай баёнот бериши шарт эмас. У янги шартнома имзолади, у тўлиқ эътиборини ҳозирги ишга қаратган", - дея Рольфес сўзларидан иқтибос келтиради Mundo Deportivo.
