Германия терма жамоаси ва "Бавария"нинг собиқ футболчиси Лотар Маттеус Мюнхен жамоасига янги келган Ким Мин Чже ҳақида гапирди.
"Чже ҳали тайёр эмас. Ҳозир у жамоанинг ноаниқ ўйинида омил бўлмоқда. У Германия чемпионатига мослашиши керак. Футболчи сифатида унга қарши ҳеч нарсам йўқ, аммо ҳозирча Ким ўзига билдирилган умидларни оқламаяпти", - деди Лотар Маттеус.
26 ёшли кореялик ҳимоячи ёзги трансфер ойнасида Мюнхеннинг "Бавария" жамоасига келиб қўшилди. Томонлар ўртасидаги амалдаги шартнома муддати 2028 йилнинг июнь ойи охиригача ҳисобланган. Transfermarkt портали Кимни 60 миллион еврога баҳоланган.
